1

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل


تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

  • لما نيجى نتكلم عن التجمع الخامس والقاهرة الجديدة اكيد لازم نتكلم عن كايرو فيستيفال سيتى مول مش بس عشان هو من اكبر مولات القاهرة لا دا كمان عشان فى منطقة مليانة بالخدمات ودا بيميزه اكتر لان مع كل الخدمات الموجودة اللى حواليه دايما بيبقى بيفرض نفسه على ان الناس تروحله وتدخل تستمتع بكل خدماته اللى بيقدمها لان فى تقريبا كل حاجة بنحتاجها بنلاقيها فيه وفيه اللى البراندات المشهورة الغاليه جدا وكمان فيه اللى الاسعار المعقولة برضو فكدا بيخدم كل الناس من الصغير للكبير ومن الغنى للمتوسط

بعد التمهيدة البسيطة جدا دى ايه بقى الخدمات اللى بيقدمها كايرو فيستيفال سيتى مول

كايرو فيستيفال مول فيه حوالى300 محل ومنفذ بيع والمحلات دى مختلفة ومتعددة الاستخدامات وفيها كل حاجة ممكن يباع في القاهرة من وجبات سريعه ومحالات ملابس وإلكترونيات والتحف والأثاث والاتصالات السلكيه واللاسلكيه واكثر من 90 كافيه ومطعم وبه اكبر نافورة فى القاهرة وتسمى النافورة الراقصة

طيب ايه محلات الملابس اللى موجودة فى كايرو فيستيفال سيتى مول

محلات الاكل المطاعم والكافيهات فى كايرو فيستيفال سيتى مول

وطبعا ملاهى ماجيك بلانيت فى كايرو فيستيفال سيتى مول

  • ماجيك بلانيت عبارة عن دورين داخل كايرو فيستيفال سيتي مول مقسمين لملاهي أطفال ومنطقة ألعاب، والمغامرة هناك تبدأ بدفع 5 جنيه قيمة تذكرة الدخول وبتدفع مبلغ إضافي لكل لعبة ما بين 9 و35 جنيه، ماجيك بلانيت بتقدم اختيار ثاني وهو بطاقة VIP –مشحونة بقيمة 1500 جنيه– علشان مدمني اللعب اللي عاوزين خصومات على سعر الألعاب.
  • منطقة الألعاب الرئيسية للأطفال في ماجيك بلانيت تشمل عدد من ألعاب الركوب زي الطيارات والحيوانات ومراكب على شكل بطة، وكمان لعبة السيارات المتصادمة والترامبولين ومراجيح ولعبة XD simulator مناسبة للأطفال من سن 10 سنين وأنت طالع.
  •  منطقة الألعاب فيها ألعاب simulation أكثر، منها طيارة وموتوسيكل مع ألعاب عربيات رائعة زي عربية بات مان، لكن المشكلة كانت أن مافيش ألعاب الفيديو  المعروفة زيMortal Kombat  و Street Fighterودي حاجة محبطة جدًا وكمان  التنوع في الألعاب مش كبير.
  • نروح لمنطقة ألعاب ثانية فيها ماكينة كبيرة للعبة Connect Four رجعتنا لزمن اللعب الجميل، وكمان لعبةAir Hockey  بس للأسف الترابيزتين الموجودين وقت زيارتنا كانوا عطلانين.
  • من أحلى الحاجات هناك الألعاب اللي بتجمع فيها تذاكر علشان تكسب بها جوائز، والموضوع فعلاً إدمان وإحنا مش مكسوفين نقول لكم أننا لعبنا كل حاجة تقريبًا، من لعبة كرة السلة المصغّرة وSkee-Ball، لغاية لعبة اسمها Down the Clown، وكمان لعبة الرقص وبصراحة عملنا كل حاجة علشان نكسب التذاكر.
  • بعدها روحنا على كشك التذاكر علشان نستلم جوائزنا من بين أقلام تلوين وسلسلة مفاتيح على شكلMinions  وبط بلاستيك وهدايا ثانية.
  • من أغرب الألعاب هناك لعبة Bling King، وهي عبارة عن كشك مليان إكسسوارات وفيه صورة لرجل –غالبًا قواد– ماسك سيدتين لابسين الإكسسوارات دي، منتهى الغرابة بصراحة.

ومن الحاجات الرائعة فى كايرو فيستيفال سيتى مول هو ايكيا IKIA

دا بقى فيه كل حاجة بمعنى الكلمة من الابرة للصاوخ تقدر تفرش بيتك كله من هناك بافكار مميزة ورائعة وذكية جدا لانه بيقدم كل شئ متاح ممكن اى حد يحتاجه وايكيا مش بس بيقدم خدمات الاثاث والادوات المنزليه لا دا فيه كمان مكان مخصص للاكلات الجميلة المعدة من مطعم ايكيا نفسه باسعار معقولة جدا بيقدم فطار مميز متاح لحد الساعة 11 ونص والغداء والعشاء من بعد كدا الاكل دايما طازة وسخن وطبعا منسيوش الحلو اللى بعد الاكل بيقدم السنامون الذيذ بتاعهم وممنكن تاخد معاه حاجة سخنة زى الشاى او اللاتيه او كابتشينو او قهوة وممكن تاخد معاه حاجة ساقعة وكمان بيقدمو ايس كريم بسيط وب 5 جنيه بس 

طبعا مينفعش ننسى النافورة اللى فى كايرو فيستيفال سيتى مول

النافورة دى من الحاجات المميزة جدا فى كايرو فيستيقال سيتى مول لان فى ناس بتروح المكان بس عشان تقعد تستمتع بعوض النافورة والمنطقة بتاعة النافورة فيها مطاعم مميزة ممكن تقعد تاكل هناك وتستمتع بالمنظر وممكن تاخد مشروب سخن او ساقع وكمان فى ركنة صغيرة هناك واخداه ماكدونالدز بتقدم الايس كريم بتاعهم الذيذ تاخده وتقعد تستجم بالمنظر الرائع دا

منطقة السينما المميزة فى كايرو فيستيفال سيتى مول

طب فى حاجات تانية فى كايرو فيستيفال سيتى مول

  • دا غير ان فيه فرع كارفور
  • وكمان فى كيدزانيا هناك عشان لو حابب تاخد اولادك تفسحهم
  • وفى سنتر بوينت

بالملخص المفيد كايرو فيستيفال سيتى مول التجمع الخامس القاهرة الجديدة هتتدخله مش هتخرج منه وكمان هتدمنه

تابع قناتنا على اليوتيوب

By Fatma

منقول

مواضيع ذات صلة

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

تعرف على كايرو فيستيفال سيتى مول التجمع الخامس القاهرة الجديدة كما لم تعرفه من قبل

Copy Right 2018